1. യൂത്ത് – യുവാക്ലബ്ബുകള്‍
കേരള സംസ്ഥാന യുവജനക്ഷേമ ബോര്‍ഡ്‌ കേരളത്തിലെ യുവതീ യുവാക്കളുടെ ശാക്തീകരണം മുന്‍ നിര്‍ത്തി നിരവധി പ്രവര്‍ത്തനങ്ങള്‍ യൂത്ത്-യുവാ ക്ലബ്ബുകളിലുടെ നടത്തി വരുന്നു. യുവജനക്ഷേമ ബോര്‍ഡുമായി സഹകരിച്ച്‌ പ്രവര്‍ത്തിക്കുന്ന യൂത്ത് ക്ലബ്ബുകളും യുവജനക്ഷേമ ബോര്‍ഡ്‌ നേരിട്ട്‌ രൂപീകരിച്ച യുവാ ക്ലബ്ബുകളും സംസ്ഥാനത്തകമാനം വിവിധ പദ്ധതികളും പ്രവര്‍ത്തനങ്ങളും നടപ്പിലാക്കിവരുന്നുണ്ട്‌.
കഴിഞ്ഞ 1 വര്‍ഷം യൂത്ത്-യുവാക്ലബ്ബുകള്‍ നല്‍കിയ പ്രവര്‍ത്തനങ്ങളുടെ അടിസ്ഥാനത്തില്‍ തെരഞ്ഞെടുക്കുന്ന 250 യൂത്ത് -യുവാ ക്ലബ്ബുകള്‍ക്ക്‌ 5,000 രൂപ വീതം ടി ക്ലബ്ബുകളുടെ തുടര്‍ പ്രവര്‍ത്തനത്തിനായി ധനസഹായം നല്‍കി. ക്ലബ്ബുകളുടെ പ്രവര്‍ത്തന റിപ്പോര്‍ട്ട്‌ യുവജനക്ഷേമ ബോര്‍ഡിന്റെ അതാത്‌ ജില്ലകളിലെ ജില്ലാ യൂത്ത് പ്രോഗ്രാം ഓഫീസര്‍മാര്‍, ജില്ലാ യൂത്ത് കോ-ഓര്‍ഡിനേറ്റര്‍മാര്‍, അവളിടം ജില്ല കോ-ഓര്‍ഡിനേറ്റര്‍മാര്‍, ബോര്‍ഡ്‌ അംഗം എന്നിവരടങ്ങുന്ന സമിതി പരിശോധിച്ച്‌ പ്രവര്‍ത്തന മികവിന്റെ അടിസ്ഥാനത്തിലാണ്‌ ക്ലബ്ബുകളെ തെരഞ്ഞെടുത്തത്‌.
2. യുവത്വം കൃഷിയിലൂടെ …………. കാർഷിക ക്ലബ്ബുകൾ
കാർഷിരംഗത്ത് തൽപ്പരരായ യുവാക്കളെ പ്രോത്സാഹിപ്പിക്കുന്നതിനായി സംസ്ഥാന യുവജന ക്ഷേമ ബോർഡ് എല്ലാ ജില്ലകളിലും കാർഷിക ക്ലബ്ബുകൾ രൂപീകരിക്കുന്നു. ആദ്യ ഘട്ടമെന്ന നിലയിൽ ഒരു ജില്ലയിൽ 10 ക്ലബ്ബുകൾ വീതം രൂപം നൽകുന്നു. ക്ലബ് രൂപീകരണത്തിനുളള ധനസഹായത്തിനു പുറമേ ജില്ലാ – സംസ്ഥാനാടിസ്ഥാനത്തിൽ കാർഷിക മത്സരങ്ങൾ സംഘടിപ്പിക്കുന്നു.
3. മാരിവില്ല്… ട്രാൻസ് ജൻഡേഴ്സ് ക്ലബ്ബുകൾ
ട്രാൻസ് ജൻഡേഴ്സ് കമ്മ്യൂണിറ്റിക്കു വേണ്ടി സംസ്ഥാന യുവജന ക്ഷേമ ബോർഡ് എല്ലാ ജില്ലകളിലും ട്രാൻസ് ജൻഡേഴ്സ് ക്ലബ്ബുകൾ രൂപീകരിക്കുന്നു.ആദ്യ ഘട്ടത്തിൽ ഒരു ജില്ലയിൽ ഒരു ക്ലബ്ബ് എന്ന നിലയിൽ സംസ്ഥാനത്ത് 14 ക്ലബ്ബുകൾക്ക് രൂപം നൽകുന്നു. ക്ലബ് രൂപീകരണത്തിനുളള ധനസഹായത്തിനു പുറമേ ക്ലബ്ബ് അംഗങ്ങൾക്കായി ചിത്രരചനാ ക്യാമ്പുകൾ, സ്വയം തൊഴിൽ പരിശീലനങ്ങൾ എന്നിവയും സംഘടിപ്പിക്കുന്നു.
4. യുവതീ ക്ലബ്ബുകളുടെ രൂപീകരണം (അവളിടം)
സംസ്ഥാനത്തെ യുവതികളുടെ ശാക്തീകരണം ലക്ഷ്യമിട്ട്‌ എല്ലാ തദ്ദേശസ്വയംഭരണ സ്ഥാപനങ്ങളുടെയും കീഴില്‍ അവളിടം എന്ന പേരില്‍ ആകെ 1040 യുവതീ ക്ലബ്ബുകള്‍ നിലവിലുണ്ട്‌.. ഈ ക്ലബ്ബുകളില്‍ അടിസ്ഥാനസൗകര്യ വികസനം, ലൈബ്രറി, നിയമസഹായ സമിതി, കൗണ്‍സലിംഗ്‌ സെന്റര്‍, സ്വയംപരിശീലനത്തിനുള്ള സൗകര്യങ്ങള്‍ എന്നിവ ഒരുക്കുന്നു.
യുവജനക്ഷേമ ബോര്‍ഡ്‌ നടപ്പിലാക്കുന്ന വികസന പദ്ധതികള്‍, സ്‌ത്രീധനം, ഗാര്‍ഹിക പീഢനം, ലൈംഗികാതിക്രമങ്ങള്‍ എന്നിവയ്‌ക്കെതിരെയുള്ള ബോധവല്‍ക്കരണ പരിപാടികള്‍, കലാ-കായിക വികസന പരിപാടികള്‍, സ്വയംസംരഭകത്വ തൊഴില്‍ പരിശീലന നൈപണ്യവികസന പദധതികള്‍, സ്‌കില്‍ ഡെവലപ്പ്‌മെന്റ്‌ ക്ലാസ്സുകള്‍ തുടങ്ങിയവ ഈ ക്ലബ്ബുകള്‍ വഴിയും ക്ലബ്ബുകളിലെ അംഗങ്ങളെ ഉള്‍പ്പെടുത്തി സംസ്ഥാന/ജില്ലാ അടിസ്ഥാനത്തിലും നടപ്പിലാക്കുന്നു.
ജില്ലാടിസ്ഥാനത്തില്‍ അവളിടം ക്ലബ്ബിലെ അംഗങ്ങള്‍ക്കായി തൊഴില്‍ പരിശീലനം സംഘടിപ്പിച്ചു. കേക്ക്‌ നിര്‍മ്മാണം, കുട നിര്‍മ്മാണം, മെഴുകുതിരി നിര്‍മ്മാണം, എല്‍ഇഡി ബള്‍ബുകളുടെയും ട്യൂബുകളുടെയും നിര്‍മ്മാണം, സോപ്പ്‌, പേപ്പര്‍ ബാഗ്‌ എന്നിവയുടെ നിര്‍മ്മാണം തുടങ്ങിയ പരിശീലന പരിപാടികളാണ്‌ സംഘടിപ്പിച്ചത്‌
അവളിടം ക്ലബ്ബുകളുടെ നേതൃത്വത്തില്‍ ജില്ലയില്‍ കലാട്രൂപ്പ്‌ , കാറ്ററിംഗ്‌ യൂണിറ്റുകള്‍ എന്നിവ രൂപീകരിച്ചു. ഇവര്‍ക്കാവശ്യമായ പരിശീലനങ്ങള്‍ ജില്ലാടിസ്ഥാനത്തില്‍ നല്‍കുന്നു.
അവളിടം ക്ലബ്ബുകളുടെ സംഘാടനത്തിനും കോഓര്‍ഡിനേഷനുമായി എല്ലാ ജില്ലകളിലും ജില്ലാ യുവതീ കോ-ഓര്‍ഡിനേറ്റര്‍മാരും സംസ്ഥാനാടിസ്ഥാനത്തില്‍ സംസ്ഥാന യുവതീ കോ-ഓര്‍ഡിനേറ്ററും പ്രവര്‍ത്തിക്കുന്നു.
ക്ലബ്ബ് രൂപീകരണത്തിനുള്ള മാനദണ്‌ഡങ്ങള്‍
1. ക്ലബ്ബിലെ അംഗങ്ങള്‍ വനിതകളായിരിക്കണം.
2. അംഗങ്ങളുടെ പരമാവധി പ്രായം 40 വയസ്സായിരിക്കും.
3. ഒരു ക്ലബ്ബില്‍ കുറഞ്ഞത്‌ 20 അംഗങ്ങള്‍ എങ്കിലും ഉണ്ടാകണം.
4. ക്ലബ്ബിന്റെ പേരില്‍ ബാങ്ക്‌ അക്കൗണ്ട്‌ ഉണ്ടാകണം.
5. നിര്‍ദ്ദിഷ്‌ട ബൈലോ തയ്യാറാക്കി ബോര്‍ഡിന്റെ ഓണ്‍ലൈന്‍ പോര്‍ട്ടലില്‍ രജിസ്റ്റര്‍ ചെയ്‌തിരിക്കണം.
6. ക്ലബ്ബിന്റെ പ്രവര്‍ത്തനം യുവജനക്ഷേമ ബോര്‍ഡിന്റെ നിര്‍ദ്ദേശാനുസരമായിരിക്കണം.
7. ക്ലബ്ബിന്റെ പൂര്‍ണ്ണമായ മേല്‍നോട്ടം യുവജനക്ഷേമ ബോര്‍ഡിനായിരിക്കും.
8. ക്ലബ്ബുകളുടെ രൂപീകരണവും അഫിലിയേഷനും ജില്ലാ യുവജനകേന്ദ്രങ്ങള്‍ വഴി നടപ്പിലാക്കും.
യുവതിക്ലബ്ബ്‌ പരിശീലന പദ്ധതിക്കുള്ള അപേക്ഷ
5. ഭിന്നശേഷിക്കാര്‍ക്കുള്ള ക്ലബ്ബുകളുടെ രൂപീകരണം
ഒരു ജില്ലയില്‍ ഒരു ക്ലബ്ബ് എന്ന രീതിയില്‍ ഭിന്നശേഷി വിഭഗത്തില്‍പ്പെട്ട യുവജനങ്ങള്‍ക്കായി യുവജനക്ഷേമ ബോര്‍ഡ്‌ നേരിട്ട്‌ ക്ലബ്ബുകള്‍ രൂപീകരിക്കുന്നു. ക്ലബ്ബുകളുടെ പ്രവര്‍ത്തനങ്ങള്‍ക്ക്‌ സാമ്പത്തിക സഹായം അനുവദിക്കുന്നു. കൂടാതെ ഈ ക്ലബ്ബുകളുടെ പങ്കാളിത്തത്തോടെ വിവിധ പദ്ധതികള്‍ നടപ്പിലാക്കുന്നു.
ഒരു ജില്ലയില്‍ ഒരു ക്ലബ്ബ് എന്ന രീതിയില്‍ സംസ്ഥാനത്ത് ആകെ 14 ഭിന്നശേഷിക്കാര്‍ക്കുള്ള ക്ലബ്ബുകളാണ്‌ രൂപീകരിക്കുക. ജില്ലയില്‍ ബോര്‍ഡ്‌ നിശ്ചയിക്കുന്ന ഒരു കേന്ദ്രത്തിലേയ്‌ക്കായി ഭിന്നശേഷി വിഭാഗത്തില്‍പ്പെട്ടവരില്‍നിന്നും ഒരും നിശ്ചിത തീയതി മുതല്‍ അപേക്ഷ ക്ഷണിക്കും. നിര്‍ദ്ദിഷ്‌ട തീയതിക്കുള്ളില്‍ ലഭ്യമാകുന്ന അപേക്ഷകള്‍ ജില്ലാ യൂത്ത് പ്രോഗ്രാം ഓഫീസര്‍, ജില്ലാ ചുമതലുയള്ള ബോര്‍ഡ്‌ അംഗം, ജില്ലാ യൂത്ത് കോ-ഓര്‍ഡിനേറ്റര്‍ എന്നിവരടങ്ങുന്ന സമിതി വിലയിരുത്തി ക്ലബ്ബിലേക്കാവശ്യമായ അംഗങ്ങളെ തെരഞ്ഞെടുക്കുന്നു. ഒരു ക്ലബ്ബിന്‌ 5,000 രൂപ മുതല്‍ 10,000 രൂപ വരെ ധനസഹായം അനുവദിക്കും. ഇതുകൂടാതെ ഈ ക്ലബ്ബുകളെ കൂട്ടിയോജിപ്പിച്ച്‌ ഭിന്നശേഷിക്കാര്‍ക്ക്‌ ഉപയോഗപ്രദമായ പദ്ധതികള്‍ ബോര്‍ഡിന്റെ തീരുമാനത്തിന്‌ വിധേയമായി സംസ്ഥാനാടിസ്ഥാനത്തില്‍ സംഘടിപ്പിക്കുന്നു.
ക്ലബ്ബ് രൂപീകരണത്തിനുള്ള മാനദണ്‌ഡങ്ങള്‍
1. ക്ലബ്ബിലെ അംഗങ്ങള്‍ ഭിന്നശേഷിക്കാരായിരിക്കണം.
2. അംഗങ്ങളുടെ പരമാവധി പ്രായം 40 വയസ്സായിരിക്കും.
3. ഒരു ക്ലബ്ബില്‍ കുറഞ്ഞത്‌ 20 അംഗങ്ങള്‍ എങ്കിലും ഉണ്ടാകണം.
4. ക്ലബ്ബിന്റെ പേരില്‍ ബാങ്ക്‌ അക്കൗണ്ട്‌ ഉണ്ടാകണം.
5. നിര്‍ദ്ദിഷ്‌ട ബൈലോ തയ്യാറാക്കി ബോര്‍ഡിന്റെ ഓണ്‍ലൈന്‍ പോര്‍ട്ടലില്‍ രജിസ്റ്റര്‍ ചെയ്‌തിരിക്കണം.
6. ക്ലബ്ബിന്റെ പ്രവര്‍ത്തനം യുവജനക്ഷേമ ബോര്‍ഡിന്റെ നിര്‍ദ്ദേശാനുസരമായിരിക്കണം.
7. ക്ലബ്ബിന്റെ പൂര്‍ണ്ണമായ മേല്‍നോട്ടം യുവജനക്ഷേമ ബോര്‍ഡിനായിരിക്കും.
8. ക്ലബ്ബുകളുടെ രൂപീകരണവും അഫിലിയേഷനും ജില്ലാ യുവജനകേന്ദ്രങ്ങള്‍ വഴി നടപ്പിലാക്കും.